ट्रिपर दुर्घटना हुदा एकको मृत्यु, एक घाईते

सल्लेरी, भदौ ८ गते । सोलुखुम्बुमा ट्रिपर दुर्घटना हुदा एक जनाको मृत्यु भएको छ । एक जना गम्भिर घाईते भएको छ । निर्माणधिन तल्लो सोलु जलविद्युत आयोजनाको ६ चक्के ट्रिपर विहिबार साँझ दुर्घटना भएको हो । सोलुदुधकुण्ड नगरपालिका–११ तिङलामा दुर्घटना भएको जिल्ला प्रहरी कार्यालय सोलुखुम्बुका सुचना अधिकारी तथा प्रहरी निरीक्षक नविन राईले बताउनु भयो ।
दुर्घटनामा परि गम्भिर घाईते भएका भारतको पस्चिम बङगाल कोचविहारका २९ वर्षिय पवित्र पालको उपचारको क्रममा सोलु अस्पताल फप्लुमा मृत्यु भएको प्रहरीले जनाएको छ । त्यस्तै भारत सिक्कीम अपनेङचे निवासी २८ वर्षिय सञ्जय सुब्बाको टाउकोमा गम्भिर चोट लागेको हुदा फाप्लु अस्पतालमा समान्य उपचार गरि थप उपचारका लागि काठ्मान्डौ लाने तयारी भईरहेको प्रहरीले जनाएको छ ।