हिन्दु महिलाहरूको महान् पर्व हरितालिका तीजकै दिन नेपालको केही भागमा भूकम्पको धक्का महसुस भएको छ । आसाममा ५ दशमलव ४ रेक्टर स्केलको भूकम्प गएको प्रारम्भिक रिपोर्ट आएको भारतीय सञ्चार माध्यमले जनाएका छन् । राष्ट्रिय भूकम्प मापन केन्द्रले भारतमा गएको भूकम्पका कारण पूर्वी नेपालका जिल्लामा पनि धक्का महसुस भएको जनाएको छ ।
नेपाली समय अनुसार बिहान १० बजेर ३७ मिनेटमा भूकम्प गएको हो । भूकम्पको धक्का भारतको विहार, बंगलादेशको ढाका र नेपालको नेपालको पुर्वीभाग र काठमाडौंमा पनि महसुस गरिएको छ ।