काठमाडौं : युवाहरू माझ लोकप्रिय बनेको पब्जीमाथि सरकारले लगाएको प्रतिबन्धविरुद्ध सर्वोच्च अदालतमा रिट दर्ता भएको छ ।
अधिवक्ताहरू प्रवीण सुवेदी, विकास थापा, अनुराग सुवेदी, सुवास पाठक, रितेश पौडेल, विना रिमालले संविधानप्रदत मौलिक हकको हनन् भएको भन्दै रिट दर्ता गराएका हुन् ।
पब्जी खेलका कारण बालबालिकको मनोविज्ञानमा असर पर्ने र विभिन्न घटना हुने भन्दै धेरैले प्रहरीमा उजुरी दिएपछि नेपाल सरकारले चैत २८ गते दूरसञ्चार प्राधिकरणले प्रतिबन्ध गर्न निर्देशन दिएको हो ।
पब्जी मोबाइल तथा कम्प्युटरमा डाउनलोड गरेर खेलिने अनलाइन खेल हो ।